1. |
ħossha f'mossa
03:16
|
|||
Mutur tal-Wolt quddiem razzett il-Baħrija
Bl-għelieqi jfuru basal u tewm
Ħanut wara l-ieħor, kalejdoskopju ta' tabelli u irwejjaħ, lingwi mimlijin ħajja
Aġenziji jċaqalqu l-ħaddiema 'dwar id-dinja fit-traċċi tal-kolonjaliżmu
Tintilef titqatta' tipprova tivvibra tinsa' torganizza tinsa' l-komunità
Nemla ddur il-Gżira tieħu te m'għand l-Afro Deli
Il-plastik it-tfal tagħna, il-crypto dixxendenti tad-dejn
Struttura nfurrata infrastruttura gażaża
Min jikkontrolla l-kontroll tal-loġistika?
|
||||
2. |
uċuħ fis-sħab
02:50
|
|||
Żiffa t'Ottubru
Koxxa xewk xewk f'għabex tal-lellux
L-innoċenza kkumplikata li tilgħab bix-xahar
X'ħin taqa' part time tista' żżiegħel bil-forma tas-sħab
Tqaħqiħa ta' tfajla, testosterone jiġri fid-demm
Il-pori ta' ġilda ratba milqugħa minn dawl ikkaramelizzat
Tidwira ta' żewġt ispag isiru ħabel u jinħallu x'ħin tħallihom
L-għaraq għasra bejn kuxxtejn imniddfa, żibġa bħal xemgħa maħlula
Għonq ta' mara, xedaq ta' raġel
Taxxa mħallsa u gass jispiċċalek
X'uċuħ qed tara fis-sħab?
|
||||
3. |
ġunju
03:41
|
|||
Tqaxxar it-tewm b'idejha fuq l-għatba tal-ħanut
Wieħed b'qmis tiġih baħar idur fuq rota
Xwejħa tperper fann qalb l-għamara għall-bejgħ
Triq maqlugħa, l-aġent jifli il-katalogu mas-sid tas-supermarket
Jiftiehmu bil-Malti, Sarah sandli u brazzuletta biż-żibeġ tal-injam
Una xtrat żarbun, bgħatet lil Sarah tixtri kitla m'għand Attard
Nina u klijent inaqqru l-popcorn mal-kafè
It-te bl-imsiemer tal-qronfol
Anzjana Eritrejana b'libsa ħadra u velu aħmar tgħaddi żbrixx minn mal-iċċaċċrar tal-irġiel quddiem bazaar
Tat-Transport Malta u wieħed ipejjep fuq l-għatba
Jgħidu kelmtejn fuq kemm huma tal-biża' il-muturi tal-Bolt
Bi tliet lingwi jilgħabu l-billiards
'Ejja liba!'
'Issa naraw...'
'You talk too much, ħaqq għall-Madonna!'
Nina bil-karretta tmur tixtri l-ħaxix, tgħid bonġu titmejjel b'kull raġel fuq kull siġġu u sufan
Flip-flops fuq il-madum, daħka tlewwem il-ħaddejn, Sarah tibda taqli l-basal, borom tal-metall iċekċku
Tat-Transport Malta għand Marisa jgħidu stejjer fuq pulizija mċappsin coke
|
||||
4. |
tinfetaħ tingħorok
02:58
|
|||
Ġo din il-pjazza hawn mibiegħda ġejja minn tul ta' snin
Iriduk temmen f'xi ħaġa li jitmugħielek fin fin
Taqbad tikber u tistaqsi, tipprova tiskopri min int,
Jgħidulek xi trid issegwi issa imma għodok ma fhimtx
Tikber f'post ikissruhulhek, iħalluhulek biss fil-ħolm
Tipprova tibni ir-riżorsi u bir-rutina u r-ritorn
U meta s-sħab jisparixxu u tnemmes toħroġ ix-xemx
Dlonk tmur il-bogħod tippassiġġa, tipprova tiskopri x'hemm
Ġnien li jwarrad waħdu kollu siġar li jitimgħuk
Daw l-għasafar qed jegħmżulek, taħt id-dell jarawk
Dal-ħaxix donnu jgħarraxni u x-xemx tadurak
Naħal bieżel isellimlek donnu qed jintrigak
Semgħuk tkanta qalb il-wied li mimli bil-ħlewwa
Semgħuk tħaxwex qalb iz-zkuk tipprova tidħol 'il ġewwa
U x'ħin tidħol ġewwa u tara xi ssib
Ġnien li jwarrad waħdu mingħajr xkiel u rbit
Li tilqa' l-elementi u xi ftit min-nies
U wara tbexxaq tieqa u tkebbes fjamma għatih
Li tagħlaq għajnejk u ma jinkwetak xejn għax il-qamar tal-lejla jħaddnek b'żewġ idejn
|
||||
5. |
il-valur tal-art
03:20
|
|||
Kull triq maqlugħa għall-interess ta' kuntrattur
Kull flat ma jeżistix ġa mibjugħ
It-toroq l-istorja ta' ġenerazzjonijiet ta' sinjuri u fqar jirkbu dahar xulxin
Min jikri isfel ħa jżomm il-ħanut fejn l-għajdut tal-Ħamrun jgħaqqad għanqbuta ta' nies
Siġar taż-żebbuġ bħal faċċata mingħajr dar
Bidwi studja l-marketing m'għandux bżonn pitkal
Imma missieru ma jtihx ċans jaħdem għal rasu, kliem ix-xiħ tatix kasu
U r-romantiċiżmu ta' dawk li mingħalihom is-salvatur
Bejn kera sema u ilma, ħolma burokratika
Stima fuq il-paga ta' perit
Bidwi mtella' l-qorti fuq fuq kull kmajra u dokument bieb ma' bieb ma' kumpless tax-xiri
F'din il-kumpless m'hemmx ħajja, m'hemmx amment ta' kemm-il Ħamruniż werżaq Joe Portelli l-president
Siġar taż-żebbuġ bħal faċċata mingħajr dar
Bidwi studja l-marketing m'għandux bżonn pitkal
Imma missieru ma jtihx ċans jaħdem għal rasu, kliem ix-xiħ tatix kasu
M'hemmx ħitan għall-ilma u n-naħal, u l-pestiċidi jerħu sal-baħar
Il-bnedmin u l-ħaxix ħażin jiżbukkaw diġà magħqudin flimkien
Sta għall-bdiewa biex isalvawna, imma għax il-gvern ma jridx jiggverna
L-art bħall-baħar, tinħall f'idejk mimlija żejt
|
||||
6. |
tindifa
03:57
|
|||
Fabuloso fil-barmil
Platti jċekċku f'sink għand il-ġirien
Għasfur tal-bejt isaffar hi u togħrok il-kċina
Sularijiet tankijiet tal-ilma griżi u blu
Xagħar kullimkien, il-biċċa f'barmil iswed
Sprejj fuq it-twieqi, ħama ħamrija fl-aperturi
L-appartament xtratulha z-zija
Kieku ma kienx għaliha ma setgħetx tieħu loan
Il-ġar inewlilha ħasda lumi u pastard, tiffranka tletin ewro m'għand l-iSpar
L-isqueezer tmelles il-madum
Tnaddaf biex tkappar sular u taqsmu man-nemel
L-għaraq iċarċar hi u tiknes il-gallarija
Ġara toħroġ tonxor, timsaħ il-ħabel u ttiha nofs tislimha
Flus tal-bżonn, ta' nies maqbuda ma' xulxin
Flok flus tal-istat jirkbu għejja fuq l-għejja tat-tindif
Siġġijiet lura f'posthom, xkupi fil-kamra tal-imbarazz
It-tentufa trab u pass imżelleġ li ma jerħi qatt
L-enerġija minn fejn ġejja jekk mhux mill-ħruq?
Mill-għerf imġissem tan-nisa jiġi tradott il-valur
|
||||
7. |
kobor
03:23
|
|||
Niftakrek ixxejjer flokk fuq rasek il-Maori
Niftakrek tgħidli li int bidwi int u titlef il-filter fuq it-taraġ tal-Ġugar
X'kobor - issaħħarna bis-sax tiegħek
X'kobor - togħdos fl-univers
X'kobor - għal kull darba li fqajt 'l Alla
X'kobor - it-Twistees ma' subgħajk
Fuq it-tapit sagru nixgħelu xemgħa
Każin mingħajr knisja, kummerċ mingħajr profitt
Ħajja ġdida għad trid tinbet fl-ispazju li ħallejtilna int
|
||||
8. |
l-għeluq
03:57
|
|||
Iċ-ċpar ta' sigaretti mal-bar
Jinħall fin-nida taż-żerniq, is-sirda tgħarrax id-dahar
Il-bieb jinstabat u bl-adrenalina jistokjaw il-friġġ
It-tlieta m'għandhomx idea x'għadu kif ġara, għalqu bi żbrixx
Ħabib xurban ma riedx jitlaq, baqa' jitkarrab għal flixkun
Sakemm kważi għallaq lil Keira b'idejh granfata mal-pum
Imbagħad għal 'ok' u telaq 'l hemm u ħallihom jgħoddu fil-kwiet
Itertru biex jimsħu l-istainless steel
Imxew s'għand Reno, bgħatu messaġġ fil-grupp
Irranġaw il-misluta ta' Keira li nqalgħet
Ipejpu fuq wara, b'kitarra u Olandiż, jiddiskutu l-crochet coral reef
It-tlieta li huma għaqdithom l-esperjenza f'tarf il-ħajja, għaliha wisq jixxenqu
Keira tniżżel pinta ma' ħabibtha taħt il-ġibs tal-irdum tal-Exiles
L-arja mniġġsa snien bħal xfafar lesti jigdmu
F'għoxx l-irġiel
U l-cash flow li tħallihom iħawdu
Jiġu fuqek, isaqsuk għal ismek, intix tifel jew tfajla
F'għoxx l-irġiel
U l-ġibda tal-poter u t-tossiċità
Iġerruh f'wiċċek, ma jħallukx bi kwietek, ma jafux li qed jitterrorizzaw
F'għoxx l-irġiel
L-istituzzjoni li tfallihom tfallina
L-ispazju mibni kontrina
Nirriklamawh għalina
|
||||
9. |
kelmti kontra kelmtek
03:02
|
|||
Kelmti kontra kelmtek, dak li għalija hu l-aħjar
Jekk bl-oppressjoni tiegħek tgħidli li aħjar nibqa' d-dar
U biex nagħlaq saqajja, u biex inżomm il-kwiet
Jiena lesta ngħolli leħni u għal ta' warajja nwitt it-triq
Daqshekk is-silenzju, ma jagħmel ġid lil ħadd
Li tinnega esperjenza jew li tinnega weġgħat
Tmur tipprotesta l-Belt bit-tapit u bix-xemgħat
U lin-nisa f'ħajtek x'inhu għalihom ta' ġid twarrab
Għax it-tbatija diffiċli u tista' ma tifhimhiex
Iżda tista' tempatizza mingħajr ma tgħid dak li mhuwiex
Tħalli lil min kapaċi jagħżel biex jieħu deċiżjoni
U żżomm għalik jekk ħadd ma saqsiek għal opinjoni
Bla ma tifhem it-tbatija, l-esperjenzi, l-verità
Bla ma tifhem il-mara, l-awtonomija u l-għażla
Nieħdu deċiżjoni, għalija naf x'inhu l-aħjar
Jien kapaċi nanalizza, u mhux minn siġġu tfajjar
L-abort għal Malta importanti
In-narrattivi jqanqlu weġgħat
Illum qabel għada iddiriminalizzat
Għax jekk int mhux bżonnu issa jaf hemm min bżonnu llum
Hemm min isiefer ikollu, hemm min bil-pirmli muġugħ
Jekk tikkontribwixxi għad-diskussjoni ma tistax
Jekk kull ma joħroġ minn ħalqek hu useless ma tarax
Tużax mibgħeda, pprova ifhem is-sitwazzjoni qabel bi kliemek tweġġa' u toħloq oppożizzjoni
Jekk int m'għandekx passaport, jekk m'għandekx tmintax
Jekk inqbadt tqila u tħallas ma tistax mela dan il-pajjiż jikkriminalizzak
Mhux għax trid ittermina iżda għax qed tħammeġ dal-blat
Għal min irid jisħaq il-purità f'isem l-ipokrezija
Għal min jaf il-verità u jibqa' jgħattiha
Kulħadd għandu opinjoni ta' x'nagħmel ġismi imma ħadd ħlief jien ma jista' jitkellem f'ismi
|
||||
10. |
ir-rebbiegħa għand robi
04:11
|
|||
Sabiħa r-rebbiegħa għand Robi
Haw żiffa sajfija
U l-kenn fl-arja ħdej il-pjazza
Tal-familji wara l-bibien kwieti, bit-twieqi mdawla u l-arja nnemmla
Haw il-kwiet, erba' Skol u ġiex tejiet bl-imsiemer tal-qronfol u l-weraq friski
Wieħed ġie jbiddel id-diska
Riħa ta' deoderant qisha prinjol u chewing gum taħt ħaddejn femminnili, ttundjati
Barra riħa ta' bużbież, ħamrija u trab itiru
Żiffa tkessaħ is-saħna tal-ġiżimin
T-shirt tal-Maleficent, ġakketta komda
Imsielet, ġiżirana
Daħka minn tagħna
It-tifel ħa jagħlaq ħdax-il sena
Imorru jixtru m'għand il-vann imbagħad isibu 'l sħabha għand Robi
Hemm Valentina u Yonas jiddiskutu il-politika
Hi tgħidilhom fuq żmienha fl-armata
Tinstab tajba llejla, traqqad it-tifel
Mhix qed tħossha waħeda fid-dar mikrija bħal ħajjitha
Qabel ma torqod tagħti il-pjaċir lilha nnifisha
Ġurnata oħra xogħol
Għada qed toħlom li tmur il-bogħod
|
Karmaġenn Malta
Karmaġenn huwa proġett kollaborattiv ta’ diversi mużiċisti u artisti mix-xena lokali.
Streaming and Download help
If you like Karmaġenn, you may also like:
Bandcamp Daily your guide to the world of Bandcamp